Dhoma e Tregtisë dhe Industrisë Durrës

Në kuadër të depozitimit pranë QKR-së
të Statutit të shoqërive tregtare, që kanë ekzistuar para hyrjes në fuqi të
Ligjit 9901, datë 14.04.2008 "Për treg-
tarët dhe shoqëritë tregtare", ofrojmë:

Nje tip statuti të gatshm për SHPK apo
SHA
i pershtatshëm sipas kërkesave të biz- nesit me tarifa shumë konkurente me
tregun
Në sportelin e QKR-së pranë Dhomës do të gjeni një shërbim ekselent.

10 kërkesat prioritare të biznesit

Duke analizuar marëdhëniet ndërmjet shtetit dhe sipërmarrjes private, si dhe stadin e integrimit europian të vendit tonë, Dhoma e Tregtisë dhe Industrisë Durrës konsideron se, për lehtësimin e të bërit biznes, është bërë e domosdoshme që:

Të ngrihet një dialog konstruktiv i përhershëm i ligjbëresve dhe ligjvënesve me përfaqesuesit e komunitetit të biznesit, që garanton konsultimin me ta në jo më pak se 8 jave kohë, për çdo propozim ligjor apo administrativ me impakt mbi biznesin
Të eliminohen praktikat arbitrare të trajtimit të figurës së biznesit me standarte të dykuptimta e jo miqësore (çmimet orientuese për mallrat apo pagat, referencat doganore e të tilla si këto)
T’i garantohet cdo biznesi, fitues i një tenderi publik, pagesa brenda 30 ditëve, nga data e lidhjes së kontratës me entin publik prokurues
Të përmirësohet sistemi i TVSH, duke perfshirë si përdorimin e kredisë së saj për pagesën përkatëse në transaksionin pasues, ashtu dhe per shlyrjen e tatimit mbi fitimin.
Të zhvillohet reforma e legalizimit të aktiveve të qendrueshme të parregjistruara të bizneseve
Të shtrihen dhe të persosen përdorimet e e-qeveri, e-qeverisje dhe e-prokurim në të gjithë territorin e vendit, për të informuar dhe përfshirë sa më gjerë publikun në përgjithesi dhe biznesin në veçanti
Të ngrihet e të vihet në funksionim sa më shpejt Gjykata Administrative
Të mbështetet ngritja e one-stop-shop pranë Dhomave të Tregtisë, me tri sportele të shërbimeve bazike: QKR, QKL, EG (Ekonomia Globale)
Të ngrihen fonde të posacme për projekte të Dhomave të Tregtisë dhe të agjensive të tjera, të adresuara tek rritja e aftësive manaxhuese, dalja në eksport apo zëvendesimi i importeve dhe rinovimi teknologjik i NVM
Të futen idetë dhe njohuritë për sipermarrjen private si një kompetence kyçe në kurrikulat e arsimit parauniversitar.

Dhoma beson se këto kërkesa do të mirëpriten dhe do t’i bëhet jehonë nga forcat politike, administrata publike dhe mediat.

Guida e Dhomës së Tregtisë dhe Industrisë Durrës